MANIFESTACIÓN DIANTE DO EDIFICIO DO SERGAS O PRÓXIMO 10 DE MARZO. POR UNHA SANIDADE PÚBLICA E DE CALIDADE

A Mesa Galega da Psicoloxía Clínica decide sumarse á convocatoria de manifestación que todos os sindicatos promoven para o próximo xoves 10 de marzo en Santiago de Compostela.

Co lema central "Por unha OPE digna para un emprego digno. Por unha sanidade pública de calidade", entendemos que o colectivo de psicólogos clínicos ten que sumarse a esta manifestación, e visibilizar a nosa presencia con rotundidade

As nosas razóns, as que resumen o noso enfado:

1. Despois de 8 anos sen convocatoria de OPE para psicólogos clínicos, o SERGAS pretende satisfacer as necesidades de atención psicolóxica da poboación galega coa mísera  incorporación de 3 psicólogos clínicos como persoal fixo.

Segundo datos que a propia Directora de RRHH recoñeceu en sede parlamentaria, se necesitarían 26 prazas inmediatas só para acadar á media española (sendo ésta xa moi inferior ó resto de países da nosa contorna)

2. Os contratos que se están a realizar nos últimos anos son en precario: ou ben acúmulo de tarefas (aínda que sexan para cubirir unha sustitución nominal), ou cobertura de servizos determinados, cando son prazas estructurais de facto. A situación da USM Lalín-Barbanza é o exemplo máis sonroxante desta precariedade: levan alomenos 5 anos cubrindo a asistencia de dúas USM cun mesmo profesional que vai cambiando cada 6 meses.

3. Persoal fixo ou temporal está prestando asistencia en varios dispositivos que cada un deles necesitarían a presencia a tempo completo para realizar unha asistencia necesaria (prevención suicidio, atención temperá, trastorno mental grave). Hai dispositivos sen psicólogos clínicos (hospitais de día psiquiátricos, programas de psicoxeriatría) e as interconsultas e enlace dos hospitais están a cargo dun sólo psicólogo clínico.

4.  Ó mesmo tempo que o goberno non cubre con dotación necesaria os distintos servizos (debe pensar que non son necesarios) proliferan todo tipo de acordos de colaboración con ONG para prestar atención psicolóxica a custe cero para a Administración, dentro dos propios hospitais, a través de contratos ou becas: pasa en coidados paliativos, oncoloxía, neuroloxía, agora tamén a vítimas de tráfico. Son externalizacións encubertas.

5. Na planificación de necesidades de dotación en saúde mental, impera o estilo lobístico, cun reparto desigual entre colectivos profesionais, que non ten que ver cunha análise de necesidades, de recursos, de plantexamento asistencial e de evidencia científica. Impera a endogamia profesional fronte a interdisciplinariedade, o bioloxicismo radical e sobremedicalización fronte a integración e humanización.

Por todo esto:

- Se sofres no día a día dos efectos desta pésima política de xestión sanitaria: número inasumible de pacientes,  listas de espera de meses para atender primeiras consultas e revisións, consultas breves e mensuais, recortes en asistencia que antes realizabas...

- Se aprendiches a profesión desde unha visión comunitaria e interdisciplinar e estás vendo cómo se desmorona o pouco conseguido. Se recoñeces certa indefensión ante este modelo xestor ...

- Se eres persoal temporal, con contratos precarios nos que tes que firmar mes a mes,  contratos para prazas que están desertas, escoitando as queixas dos usuarios ante cambios constantes de profesionais

- Se eres supervisor de PIRes,  que sacas tempo entre consultas saturadas, para transmitirlles como mellor sabes o teu coñecemento, que te interesas pola súa formación técnica e ética,  e te alporiza saber que van a ir directamente ó paro ou a emigración, ou a precariedade e con toda probabilidade ó desánimo e impotencia...

- Se eres PIR, e futuro PRECARIO

.... se estás, estiveches ou estarás nalgunha de estas circunstancias...


MOBILÍZATE. SE NON O FACEMOS NÓS, NINGÚEN O FARÁ POR NÓS !!!

O "monopolio" como modelo de atención sanitaria á saúde mental que sustenta o Goberno da Xunta de Galicia

Achegamos o último comunicado da Mesa Galega da Psicoloxía clínica a tenor da oferta de prazas de psicólogos clínicos para a OPE 2016

Aínda que o SERGAS recoñece tácitamente a necesidade de máis psicólogos clínicos para atender á poboación galega que precisa desta prestación por mor de trastornos somáticos ou psicolóxicos, non se crean novas prazas, hai dispositivos asistenciais básicos de saúde mental sen psicólogos clínicos, hai só un profesional da psicoloxía clínica para dar asistencia a todo un hospital xeral.

E o que é peor, hai privatizacións encubertas a través de Acordos de colaboración con ONGs de todo tipo.

Éstos son os números:

91 psicólogos clínicos no SERGAS

1 psicólogo clínico x 4,5 centros de salud

3.34 psicólogos clínicos x 100 000 habitantes en Galicia

frente a

4.3 psicologos clínicos x 100 000 en España
18 psicologos clínicos  x 100 000 en Europa

Deixámosvos o enlace ó comunicado

Valoración da MGPC sobre a oferta da OPE 2016

Organizarse, unirse, luchar

 http://www.monde-diplomatique.es/?url=http://localhost:8080/alfresco/service/articulo/0000856412872168186811102294251000/?articulo=b74724dd-b8df-4b08-adf2-c567af4aa856

... ... ... 

Un hombre solo, una mujer
así tomados, de uno en uno
son como polvo, no son nada.
... ... ... 

 José Agustín Goytisolo (Palabras para Julia)

 Neurofox

 

Comunicado conxunto da Mesa Galega da Psicoloxía Clínica e a Sección de Psicoloxía e Saúde do COPG. Decembro do 2015

A ATENCIÓN PSICOLÓXICA A PERSOAS CON ENFERMIDADES SOMÁTICAS NO SERGAS

PRESENZA ANECDÓTICA DE PSICÓLOGOS CLÍNICOS NOS HOSPITAIS

PRIVATIZACIÓN IRREGULAR DE SERVIZOS

Tras analizar o contexto histórico no que da comenzo a atención psicólóxica ó doente dentro dos hospitais, cómo non se produciu o necesario avance da nosa disciplina nos xa máis de 20 anos, e se está asistindo á externalización irregular de parte desta asistencia psicolóxica, o comunicado plantexa as seguintes propostas para dar unha asistencia normalizada ás persoas que están a padecer enfermedades somáticas de gravedade e/ou crónicas, de tal xeito que se contemple e garantice unha asistencia pública, universal e de calidade:

A atención psicolóxica, tanto a pacientes con enfermidades mentais como con enfermidades somáticas de especial relevancia emocional/psicolóxica/cognitiva debe ser unha prestación normalizada do SERGAS. Prestación que ten que realizarse a través dos servizos asistenciais públicos, coa provisión pública de prazas de persoal estatutario, garantindo a estabilidade do servizo e dos seus profesionais, asegurando a continuidade asistencial coa coordinación efectiva dentro dunha xestión por procesos asistenciais e promovendo a accesibilidade a esta atención; especialmente en grupos vulnerables pola complexidade da enfermidade.

Os psicólogos clínicos temos que estar ubicados estrutural e funcionalmente en órganos autónomos, e non só dentro dos servizos de psiquiatría. A ubicación exclusiva en servizos de psiquiatría obedece a un momento histórico e non ás esixencias asistencias actuais nin as evidencias científicas en saúde e da xestión dos procesos de saúde e enfermidade.

A psicoloxía clínica, igual que as demais especialidades facultativas sanitarias, ten que organizarse en Servizos propios de Psicoloxía Clínica, que permita unha mellor coordinación da actividade deses profesionais, unha planificación máis axeitada das necesidades percibidas e recursos dispoñibles, e potenciar a formación, investigación e innovación específicas da nosa profesión. A creación dos Servizos de Psicoloxía Clínica será o medio para o progreso no traballo interdisciplinar con tódalas especialidades médicas e de enfermería dun modo máis eficiente.

A presenza dos usuarios e familiares, a través de espazos formais de participación comunitaria é indispensable para alcanzar o obxectivo dunha asistencia centrada no paciente. Usuarios informados, autónomos e competentes para participar nas decisións que afectan á súa saúde. Pero non se pode pedir ás asociacións de pacientes e Organizacións Non Gobernamentais que carguen cunha asistencia á que teñen dereito dentro da Sanidade Pública e polas canles normalizadas. Non se debe permitir o abuso da solidariedade nin se poden converter estas entidades en provedores de prestacións sanitarias. É fundamental que as asociacións de pacientes e ONGs sigan a cumprir coa súa función social de esixir e vixiar o normal funcionamento da Administración, e denunciar as vulneracións dos seus dereitos básicos.

Pedimos a cidadáns, administracións, movementos sociais, sindicais e políticos unha verdadeira aposta pola concepción integral da saúde marcada polo paradigma biopsicosocial e comunitario, a defensa dunha sanidade pública universal e de calidade, e a necesaria defensa da calidade e dignidade do emprego dos profesionais; sen a cal non é viable fomentar o desenvolvemento dunha atención socio-sanitaria axeitada.

 Deixámosvos o enlace ó comunicado

https://drive.google.com/file/d/0B2DEe4WITv2lZ2c0UDJDNHdqZUk/view?usp=sharing

A psicoloxía clínica e a saúde mental no Parlamento de Galicia

Que a Saúde Mental en Galicia sofre moitas insuficiencias, cando non irregularidades, na xestión, planificación e asistencia públicas é algo evidente e que diversos movementos sociais, profesionais e organizacións políticas están a visibilizar constantemente.

Fronte a apariencia de normalidade, incluso avances e innovación, coa que a Consellería de Sanidade pretende convencernos, temos evidencias e índices que non se poden ocultar.

No Parlamento de Galicia móstrase esta dobre realidade: a que mostran as organizacións profesionais e sociais, e que diferentes Grupos parlamentarios fan eco a través de iniciativas parlamentares, e a posición oficial do Goberno da Xunta, mantendo unha especie de mantra de que todo vai ben, e facemos moito por mellorar.

No pasado mes de setembro, en sesión de Comisión de Sanidade do Parlamento, tivo lugar debate sobre diversos aspectos como a falta de Plan Estratéxico de Saúde Mental, de Plan de prevención do suicidio, de insuficiencias na dotación de persoal sanitario, etc

Deixamos o enlace a esta parte da sesión:

http://www.parlamentodegalicia.es/axenda/intervencionsVideo.aspx?timecode=00%3A01%3A32&idvid=C3028526&duration=00%3A35%3A53&wmv=0000009191Z-002-100kb.wmv

Asemade, o día 2 de Novembro do 2015 a portavoz de Sanidade do Grupo Socialista, Carmen Acuña, defendeu unha Interpelación no Pleno do Parlamento onde piden resposta sobre estas cuestións:

1. Considera o Goberno da Xunta de Galicia que se está xestionando adecuadamente a saúde mental en Galicia?
2. Tense previsto desenrolar un Plan Estratéxico en Saúde mental, en consonancia coa Estratexia Nacional do Ministerio de Sanidade?
3. Proxecto chamado Mastermind, se esta desenrolando tal e como estaba previsto? Considera o Goberno que pode ser útil para o tratamento da depresión? Por que? Coñece a consellería a opinión das persoas profesionais do Sergas ó respecto? Que lle parece esa opinión e en que a tiveron en conta?
4. Que medidas se están adoptando actualmente para evitar os suicidios  no noso medio? As mesmas en todo o territorio Sergas? Cal foi a razón para non seguir estendendo o modelo de Ourense ao resto de Galicia?
5. Como se está comportando a taxa de suicidios nestes últimos anos en Galicia?
6. Considera adecuada a consellería a dotación de persoas profesionais de psicoloxía clínica na rede Sergas, tanto na atención especializada, como nos centros de Atención Primaria?
7. Considera adecuada a consellería a dotación de persoas profesionais de psicoloxía na rede Sergas? E tanto nos hospitais, como nos centros de Atención Primaria?
8. Cal é a labor dos psicólogos/as clínicos/as nos dispositivos asistenciais de saúde mental?A mesma en todas as areas?
.
Aquí podedes seguir a intervención tanto da Portavoz do PSdG como o Conselleiro de Sanidade.



http://www.parlamentodegalicia.es/axenda/intervencionsVideo.aspx?timecode=03%3A54%3A32&idvid=C3080365&duration=00%3A35%3A23&wmv=0000009319G-002-100kb.wmv

(a valorar a opinión que nos merece un Conselleiro de Sanidade que, despois de resaltar a prioridade de programas e campañas antiestigma, fai un nefasto comentario sobre o suposto nerviosismo da portavoz socialista e o posible uso de ansiolíticos!!!)

Por último, hoxe o Grupo Socialista rexistrou a seguinte moción para substanciar a Interpelación debatida en Pleno. 

https://drive.google.com/file/d/0B2DEe4WITv2lUmRkRWhGX2xMSFU/view?usp=sharing

Daremos conta da evolución desta e doutras iniciativas parlamentarias e sociais sobre a psicoloxía clínica e a saúde mental

MANIFESTO "SAN ROQUE": “Por una atención psicológica pública adaptada a las necesidades de los ciudadanos, no a las necesidades del Sistema”

Compartimos con todos vosotros, y pedimos difusión, el Manifiesto que hemos elaborado en el marco de las Jornadas de la Asociación de Psicólogos Clínicos del SERGAS, tras una puesta en común, reflexión conjunta y debate de ideas, como psicólogos clínicos desde la defensa de la sanidad pública

El camino es largo, nunca fue fácil, pero contamos con la fuerza de defender lo que creemos es nuestra mejor aportación a la atención sanitaria de los ciudadanos

Manifiesto San Roque